ڈرگ اتھارٹی کے میڈیکل سٹوروں پر چھاپے، درجنوں میڈیکل سٹور سیل

ڈرگ اتھارٹی کے میڈیکل سٹوروں پر چھاپے، درجنوں میڈیکل سٹور سیل

ڈپٹی کمشنر آغا ظہیر عباس شیرازی کی ہدایت اور سی ای او ہیلتھ ڈاکٹر ماریہ ممتاز کی زیر سرپرستی محکمہ صحت کی ٹیموں اور ڈرگ انسپکٹرز نے مختلف علاقوں میں چینگ کے دوران عطائیوں کے 2 مزید کلینکس اور ایک میڈیکل سٹور سیل کردیا- تحصیل کبیروالا کے علاقہ گاموں والی باقر پور میں ڈرگ انسپکٹر نے عون ہسپتال پر چھاپہ مارا تو میٹرک پاس عطائی پریکٹس میں مصروف تھا جس کی دکان کو سیل کردیا گیا -ڈرگ انسپکٹر خانیوال نے اڈا کچی پکی کے علاقہ میں ایک موت گھر الرحمن میڈیکل سنٹر سیل کردیا جبکہ اسی علاقہ میں ہنزلہ میڈیل سٹور کی چینگ کے دوران ممنوعہ اور ایکسپائری ادویات برآمد ہونے پر میڈیل سٹور کو بھی سیل کردیا گیا- ڈرگ انسپکٹرز نے عطائیوں کے ہسپتالوں کے کیسز پنجاب ہیلتھ کئیر کمیشن جبکہ میڈیکل سٹور مالک کے خلاف کیس ڈسٹرکٹ کوالٹی کنٹرول بورڈ کو بھجوادیا – سی ای او ہیلتھ ڈاکٹر ماریہ ممتاز نے کہا ہے کہ ضلع خانیوال کو عطائیوں سے پاک کرنا ان کا مشن ہے کسی کو انسانی زندگیوں سے کھیلنے کی اجازت نہیں دی جائیگی –

کیٹاگری میں : صحت

اپنا تبصرہ بھیجیں