امریکی اسٹیبلشمنٹ کے سامنے بے بس ہوں ،ڈونلڈ ٹرمپ

امریکی اسٹیبلشمنٹ کے سامنے بے بس ہوں ،ڈونلڈ ٹرمپ

واشنگٹن :امریکی اسٹیبلشمنٹ کے سامنے بے بس ہوں وہ کرونا وائرس کی ویکسین کے بارے اپنی مرضی کررہے ہیں ،اطلاعات کےمطابق امریکی صدر ڈونلڈ ٹرمپ نے کہا ہے کہ اسٹیبلشمنٹ یا کوئی اور کورونا وائرس کے خلاف ویکسین لانے نہیں دے رہا۔

صدر ٹرمپ کو خدشہ ہے کہ کورونا سے بچاؤ کی ویکسین کا ٹرائل اس لیے شروع نہیں کیا جا رہا کیونکہ اسٹیبلشمنٹ یا کوئی اور چاہتا ہے کہ ویکسین کا معاملہ 3 نومبر کے صدارتی انتخابات تک تاخیر کا شکار رہے۔

امریکی صدر ڈونلڈ ٹرمپ کے اس بیان پر ڈیموکریٹ رہنما نینسی پلوسی نے شدید ردعمل دیتے ہوئے کہا ہے کہ فوڈ اینڈ ڈرگ ایڈمنسٹریشن کو سیاست زدہ نہ کیا جائے، دوائیاں موثر ہونے کی بنیاد پر تیار کی جاتی ہیں، وائٹ ہاؤس کے اعلامیوں پر نہیں۔

امریکی ایوان نمائندگان کی اسپیکر نینسی پلوسی نے کہا کہ فوڈ اینڈ ڈرگ ایڈمنسٹریشن پر یہ ذمہ داری ہے کہ وہ دواؤں کو ان کی سیفٹی اور مؤثر ہونے کی بنیاد پر جانچے نہ کہ وائٹ ہاؤس کی جانب سے کام تیزکرو کے اعلامیوں کی بنیاد پر۔

نینسی پلوسی نے کہا کہ صدر کی جانب سے ایسا بیان امریکی افواج کے لیے خطرناک ہے اور یہ ناقابل برداشت ہے۔ امریکی افواج نہ صرف امریکہ بلکہ دنیا بھرمیں اپناایک اثررکھتی ہیں اوروہ امریکی سلامتی کےلیے کسی صدرکی مرضی کی محتاج نہیں ہیں

خیال رہے کہ امریکامیں کورونا سے ہلاک افراد کی تعداد ایک لاکھ 80 ہزار ہوگئی ہے اور وبا کے سبب معیشت اور انتخابی مہم بری طرح متاثر ہے۔

اپنا تبصرہ بھیجیں