میں اپنے دشمنوں سے بھاگتی نہیں ہوں، مہوش حیات

پاکستان شوبز انڈسٹری کی معروف اداکارہ و تمغہ امتیاز مہوش حیات نے سوشل میڈیا پرناقدین کے لئے ایک خصوصی پیغام جاری کیا ہے –

گذشتہ روز مہوش حیات نے ٹوئٹر پر اپنی ایک ویڈیو شیئر کی تھی جس میں اُنہوں نے والدین سے پولیو کے قطرے لازمی پلانے کی اپیل کی تھی اداکارہ نے لکھا تھا کہ اداکارہ نے کہا کہ وہ اپنے بچوں کو پولیو کے قطرے پلا کر عمر بھر کی معذوری سے بچائیں اور انہیں خوشحال مستقبل فراہم کریں۔اور پاکستان کو سحت مند پاکستان بنانے میں ان کی مدد کریں-

اس ویڈیو کے جواب میں فائزہ نامی ایک صارف نے انتہائی نامناسب الفاظ استعمال کرتے ہوئے اداکارہ کو جواب دیتے ہوئے لکھا تھا کہ کاش یہ بات آپ کے والدین کو بھی کوئی بتا دیتا تو آج آپ بھی نارمل ہوتیں۔

مہوش حیات نے صارف کو جواب دیتے ہوئے لکھا تھا کہ کاش کہ آپ کے والدین نے آپ کو تھوڑی تمیز سکھائی ہوتی تو آپ بھی طور طریقوں اور ادب و آداب سے واقف ہوتیں۔

فائزہ نامی صارف نے مہوش حیات کی اس ٹویٹ کا بھی جواب دیتے ہوئے کہا کہ اللہ کا شُکر ہے میرے والدین نے تمیز اور آداب دونوں ہی سکھائے ہیں اسی لئے یہ تبصرہ خاص طور پر آپ کو کیا-

جس پر مہوش حیات نے سوشل میڈیا پران سے نفرت کرنے والوں کے لیے پیغام جاری کیا ہے-

سماجی رابطے کی ویب سائٹ ٹوئٹر پر مہوش حیات نے اپنی ایک تصویر شیئر کی اور نفرت کرنے والوں کو اُن کی تنقید کا جواب دیتے ہوئے پیغام جاری کیا ہے۔

مہوش حیات نے کہا کہ میں کبھی بھی اپنے دشمنوں سے دور نہیں بھاگتی ہوں بلکہ اُن کا سامنا کرتی ہوں اور اُن کے نام یاد رکھتی ہوں۔

اپنا تبصرہ بھیجیں