زندگی وہ جو دوسروں کے کام آئے : بل گیٹس نے دنیا بھر کے غریبوں کے دل جیت لیے ۔۔۔ مائیکرو سافٹ کے بانی کے حوالے سے حیران کن خبر

نیویارک (ویب ڈیسک) مائیکرو سافٹ کے بانی بل گیٹس نے کہا ہے کہ کورونا وائرس کے علاج کے لیے ادویات اور مستقبل میں ویکسین زیادہ پیسے دینے والوں کی بجائے وہاں فراہم کرنے کی ضرورت ہے جہاں ان کی سب سے زیادہ ضرورت ہوگی۔میڈیارپورٹس کے مطابق بل گیٹس نے ایک کووڈ 19 کانفرنس سے آن لائن خطاب

کے دوران کہا کہ اگر ہم ادویات اور ویکسینز کو زیادہ ضرورت مند افراد اور مقامات کی بجائے زیادہ بولی لگانے والوں کو دے دیں گے تو ہمیں زیادہ طویل، غیرمنصفانہ اور جان لیوا وبا کا سامنا ہوگا۔انہوں نے کہا کہ ہمیں ایسے رہنماں کی ضرورت ہے جو مساوانہ طریقے سے ادویات اور ویکسینز کی سپلائی کے مشکل فیصلہ کرسکیں۔بل گیٹس نے کہا کہ بہترین ویکسینز کے لیے مختلف اقسام کی حکمت عملی پر عمل کیا جانا چاہیے تاکہ جسم کو کووڈ 19 کے خلاف تحفظ مل سکے۔انہوں نے لائیو اور ان ایکٹیو یعنی 2 اقسام کی ویکسینز کی وضاحت بھی کی۔ان ایکٹیو ویکسین میں جراثیم کا مردہ ورژن استعمال کیا جاتا ہے جبکہ لائیو ویکسین میں کم مقدار میں زندہ جراثیم کو استعمال کیا جاتا ہے۔بل گیٹس نے وضاحت کی کہ یہ طریقہ کار روایتی اور قابل اعتبار ہیں مگر ان کے لیے وسائل کی زیادہ ضرورت ہوتی ہے جبکہ تیاری کا عمل سست ہوتا ہے۔ان کا کہنا تھا کہ میں دونئے طریقہ کار آر این اے اور ڈی این اے ویکسینز کے حوالے سے زیادہ پرجوش ہوں۔

اپنا تبصرہ بھیجیں